जनताकाे माझमा लाेकप्रिय हुँदै : स्वतन्त्र उम्मेदवार रवि जयसवाल
राैतहट क्षेत्र नम्बर ४ (ख) बाट प्रदेश सभा सदस्यका स्वतन्त्र उम्मेदवार रवि जयसवालले मतदातासँगको भेटलाई तिब्रता दिएका छन् । आईतवार बिहान वृन्दावन वडा न ५ नरकटिया पुगेका जयसवालले बेलुका श्रीपुरका मतदातासँग भेट गरेका हुन् । वृन्दावन वडा न ५ नरकटिया मतदाताले यस पटक स्वतन्त्र उम्मेद्वारलाई नै आफूहरुले छान्ने भन्दै ढुक्क हुन आग्रह गरेका छन् । पहिला जितेर गएका नेताले फर्केर हेर्न समेत नआएकोले यो चुनाबमा स्वतन्त्र उम्मेदवार रविलाई नै जिताउने एक मतदाताको प्रतिक्रिया रहेको थियो। एक महिला मतदाताले रविको जित भए आफुले पशुपतिनाथमा ५ किलो लड्डु समेत चढाउने बताए । उनीहरुले आफूहरु जिपमा मतदान गर्न तयार भएर बसेको पनि बताए । मतदाताबाट पाएको माया र सदभाव ले आफुलाई जितको नजिक पुगेको अनुभुती भएको स्वतन्त्र उम्मेदवार रविले सुनाए। स्वतन्त्र उम्मेद्वार जयसवालले आफूलाई मतदाताहरुले नै उम्मेद्वार बनाएकाले विजयी बनाउने जिम्मेवारी मतदाताकै काँधमा आएको भन्दै साथ दिन आग्रह गरे । दलदलबाट छुटकारा पाउन आफूले हिम्मतका साथ स्वतन्त्र उम्मेद्वारी दिएको भन्दै उनले आफ्नो जित व्यक्तिगत नभई जनताको जित हुने पनि बताए ।
प्रतिक्रिया