२२ भदौ, काठमाडौं। ललितपुर महानगरपालिकाले जावलाखेलस्थित ऐतिहासिक न्हुस् पोखरीको डिलमा रहेको अतिक्रमित संरचना भत्काएको छ ।
महानगरले आइतबार पोखरीको उत्तरतर्फ रहेको बुद्धि विकास मण्डल र नेपाल क्षयरोग निवारण संघले प्रयोग गर्दै आएका भवनहरू डोजर लगाएर भत्काएको हो । महानगरले सार्वजनिक सम्पत्ति संरक्षण गर्ने आफ्नो दायित्वअनुसार गत साउन १७ गते नै ३५ दिनभित्र अवैध संरचना हटाउन सूचना जारी गरेको थियो । तोकिएको समयमा पनि संरचना नहटाएपछि महानगर आफैंले प्रहरीको सहयोगमा ती संरचनाहरू भत्काएको हो ।
महानगरपालिकाले वडा नम्बर ५ मा रहेको न्हुः पोखरीलाई पुरानै स्वरुपमा फर्काउन विस्तृत परियोजना प्रतिवेदन ९डीपीआर० स्वीकृत गरिसकेको र बजेटसमेत विनियोजन गरिसकेको जनाएको छ । यता, बुद्धि विकास मण्डलका अध्यक्ष पवन रानामगरले भने महानगरसँग पटक–पटक छलफल गर्दा पनि कुनै समाधान ननिस्केको आरोप लगाएका छन्। उनले महानगरले उच्च अदालतको अन्तरिम आदेशको समेत पालना नगरेको दाबी गरेका छन्।
प्रतिक्रिया